گيلان تره قوربان
گيلان تره قوربان تره قوربان
قوربان تي كوه و تي گوماران
تي ابداني باغ توت كله و سبزه بيجاران
روخان كنار و گورخانه و شرشر باران
گيلان تره قوربان تره قوربان
قوربان تي كوه و تي گوماران
چوم روشنا به از تي بهار و گول پامچال
غومچه واكونه اشتاوه تا نوروز و نوسال
از لوشان ور فومن و لاهيجان و ماسال
سر تا پا گولي گول نشا گفتن نشا گفتن
گيلان تره قوربان تره قوربان
قوربان تي كوه و تي گوماران
ياور دهيدي اشكل و ويجين و دوباره
تا خوب فارسه پوشت ببه ان اونه كاره
ا ياورانه همه دانه الله بداره بداره بداره
پاكوبيدي اَ او كشيدي همه تا ياران
گيلان تره قوربان تره قوربان
قوربان تي كوه و تي گوماران
لوتكا مياني نصف شبان و كر مهتاب
مرغابي شكار طشت زني انزلي مرداب
ديل واهيله به تا بيدينه پر زنه آفتاب
دونياي بشم گيلان مره تاسيان تاسيان
گيلان تره قوربان تره قوربان
قوربان تي كوه و تي گوماران
تي چاي و بج و ماهي و نوغان بنازم
تي عشق و تي پيوند به ايرانه بنازم
تي حشمت و تي ميرزا كوچي خان بنازم
تي جنگل خاموش و تي درياي خروشان
از: جعفر مهرداد => ااگ
احمد انصاری گیلانی